■(左起)主持蘭子與嘉賓周永恒「熱烈討論」賤男話題,最終辣周永恒爆粗,陳莉敏扮鎮定。電視圖片

■周永恒講到七情上面。

■周永恒在節目中途離座。

■周永恒突然離座,蘭子惟有與空凳握手講拜拜。

■周永恒被指嗒上新女周芷儀。資料圖片
【電視執位】
面對進擊的新電視台ViuTV,無綫慣性收視終於有所動搖,上周黃金時段收視全線下跌!ViuTV於深宵播出以低成本製作、話題十足的《晚吹》系列成功搶灘,上周六及日逼到無綫《晚間新聞》跌至單位數收視。前晚《晚吹──總有一隻喺左近》再成網上熱話,被鬧「賤男」的嘉賓周永恒中途爆粗離席,主持陳淑蘭(蘭子)昨笑住感激:「全靠佢走咗出去,唔係節目邊會咁有noise!」
自ViuTV開台後,其節目都為觀眾帶來新衝擊,有人說「接受唔到」,亦有人說「好過癮」,但無論好與壞,收視與話題已成為焦點。據最新出爐的收視,上星期無綫黃金時間面對新對手ViuTV進擊,收視即告下跌,連人妻Kay(謝安琪)首次擔正拍劇的《殭》,開播平均亦只得23點(約149萬觀眾)。不過最值得注意的是,平時周末無綫《晚間新聞》平均都有雙位數收視,但上周六和日,面對ViuTV節目《晚吹──真PK》和《晚吹──總有一隻喺左近》夾擊,《晚間新聞》僅得平均7.5及7.3點(約47萬觀眾)收視,差不多跌了一半。
無綫新聞一向被嘲「是是旦旦」,據知ViuTV是策略性將深宵清談節目追住無綫新聞去打,逢周三至周五晚上11時播,周六及日則於11時半播出。該節目成本一定比劇集製作低,連主持、嘉賓、幕後及搭景等,預算每集只需4至6萬。今次ViuTV都可說是不費吹灰之力,成功搶攻無綫《晚間新聞》時段。

用錯英文燸爆
繼《真PK》後,由陳淑蘭主持的《總有一隻喺左近》預告片已充滿火藥味,嘉賓周永恒未錄完節目已嬲爆講粗口說:「X!昆X我上嚟!仆街嚟ga!你攞住本雜誌睇到我嘅嘢嚟害我。唔X玩,走!」該集前晚播出,周永恒自爆有幻想玩3P,蘭子與另一嘉賓陳莉敏(QQ)在節目中不留情面直指周永恒是「賤男」,蘭子說:「你接受人訪問唔止一期、兩期,一係唔係賤格,係笨X,係唔係先?中咗一次,仲要中幾次?」試圖反擊的周永恒不斷拋書包講英文,可惜「shuffle」、「execute」全部用錯晒,周永恒尷尬說:「我讀到中四ga咋!」
周永恒昨在社交網再反擊,貼出ViuTV的邀請短訊,並指節目原以「探討人性黑暗面」,怎料錄影才知改題說「賤格」,令他中伏,之後又貼圖:「永遠不要為別人的無情、無禮、無知,阻止成為最好的自己。」其分居太太趙頌茹在微博似有所指:「噓!」一聲,她以短訊回覆:「唔好對號入座,隨意post張相啫。」

接受網友批評
蘭子雖然夠「薑」,但亦有網民批評她說話太多及欠缺中立,蘭子昨在電話說:「好多謝佢哋,無論支持或批評都好中肯。我把聲的確係又大又尖又巴渣,幾討人厭,我都明白有呢個問題。」對於周永恒反擊指被擺上枱,她解釋:「據我所知佢原本係同劉馬車同一集,但佢話劉馬車上,佢就唔上,所以調咗(題目)。」
雖然蘭子覺得周永恒是賤男,但仍要感激對方:「其實我對佢真係冇嘢,全靠佢走咗出去,唔係節目邊會咁有noise吖!」ViuTV發言人王小姐昨回覆指周永恒看片後極之滿意內容,然後答應補拍事後感想。另外,通訊事務管理局指《真PK》和《殭》分別有1宗及3宗投訴,前者被指低俗不雅,後者則暴力血腥。

採訪:嵐山、魯吉、皓騫

來源轉自:
【2016年04月19日訊】
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。)

    筆平凡/景鴻 發表在 痞客邦 留言(0) 人氣()