老虔婆余綺華昨接受電台訪問,否認在《城市論壇》拍枱。
「紅色」教師余綺華在《城市論壇》上拍枱罵學生的片段在網上熱播,引起全城議論,但余綺華昨竟指當時只「係拎個枱一下」,並無拍枱。網民及市民都狠批余綺華砌辭狡辯,教壞學生,枉為人師。
教育工作人員總工會會長及國民小先鋒副主席余綺華昨日接受電台訪問,她否認當時有拍枱,「我係㩒個枱一下,如果咁叫拍枱,咁我唔識講」。她又強調,當時是學民思潮召集人黃之鋒在發言時指她計劃參加立法會選舉,她認為並非事實,「將選舉嘅事擺上嚟係唔公平,同學仔咁做,係屈我」。她又批評學民思潮衝擊問責局長落區諮詢會,造成混亂是「唔得體」。
談參選支吾以對
但對於是否真的有意參與立法會選舉,她卻前言不對後語,她最初承認自己確在考慮,「工聯會畀唔畀,我都可以參選」;但在追問下,她又說:「我有我思考空間,唔應該俾人逼我,就算我決定咗,唔應該喺一個唔正式嘅場合講出嚟。」
黃之鋒回應指出,當時人人聽到她「啪」一聲拍枱,她砌辭狡辯令人失望。她明顯是當城市論壇是課室,可以隨意拍枱罵學生,而並非以平等的態度和他們討論國民教育問題,余應向他道歉。
市民龍先生指出:「佢做出嚟嘅嘢,可以唔認,講嘢言詞閃爍,縮縮骨骨,蠱蠱惑惑,佢繼續做老師,我推介佢去香島中學、培僑中學,佢真係唔配做老師!」伍先生則說:「呢個老師,為人師表,教壞學生,態度傲慢,歪理滿肚,假如我個孫喺佢學校讀,我要即時轉校。佢身為老師,輸畀一個十幾歲嘅學生!」
余綺華本人早已在學校落實「洗腦教育」,她在08年有份創立的國民小先鋒,是小學生制服團體,目標是提升學生對國家的認同,參加學生都穿迷彩軍服,接受步操及升旗訓練,而活動包括認識中國國情、參觀駐港解放軍及回內地交流等,亦經常參與左派團體舉辦的各類活動。

來源轉自:
《蘋果日報2012-07-17日》
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。)
arrow
arrow
    全站熱搜

    筆平凡/景鴻 發表在 痞客邦 留言(0) 人氣()