close
■案發當日，警方找到載執錢男女乘客的士。
任早更的士司機劉先生（35歲），前日下午1小時許，在九龍灣接載一對男女到上環信德中心，「嗰女人坐前座，男坐後座」。當車駛至告士打道時，「前面塞車，路中有好多500蚊滿天飛，有人停車落車執錢，我慢駛經過時，嗰客叫我停車，佢哋即開門跳落車，男在車尾，女在車頭埋頭執錢」。
「警方畀番張銀紙我」
劉透露，兩人執了十多秒後，他曾打開車門叫他們上車離開，但兩人沒有理會繼續低頭執錢，再過多十幾秒才捧着錢上車。從巿民拍攝的片段看到，兩人上的士前，剛有一輛警方電單車駛至喝止。「佢哋上車後曾經講過『唔知啲錢點來，不過袋住先啦，睇吓今晚新聞點報，若果係唔啱嘅，會攞番差館』」。司機指該程車資180元，兩人付200元不用找續，男客更從銀包掏出一張500元打賞。
劉透露每月收入約兩萬元，當看到逾千萬「大牛」在路中亂飛亦心動過，內心掙扎數秒「執唔執」，「冷靜後諗吓，啲錢不明來源，攞咗一定會連累公司、車主」，約兩小時後劉接獲警方來電要求協助調查，夜更司機即駕車回現場給掃指模搜證。「我有同警察講500蚊打賞一事，佢哋亦有影相記錄，張銀紙唔係執到嗰一批，警方畀番（銀紙）我暫時保管」。
警方根據劉提供資料，瞬即鎖定目標男女，前晚在九龍城拘捕43歲姓呂回收商人，在其九龍灣工廈劏房床下底起回16萬1千5百元，其後又拘捕其任職美容的36歲姓李女友人，正追查他們有否花過執到金錢。
■記者劉雲彪
來源轉自：
（注意：帖內文或圖片中可能含有厭惡性簡體字；本站維護中華文化，堅決行使正體字。版權歸著者所有。）
全站熱搜
留言列表
